Sard Sard Mousam Main

Sard Sard Mausam Main,
Zard, Sard, Honto'n Pay,
Chup ka Ye Jo Pehra Hay,
Ye bhe Jurm Thehra Hay,
Is Taveel Chup ka Bhee,
Unkay Sar He Sehra Hay,
Sardio’n ki Shamo’n Main,
Shaal Orhay Yaado’n ki,
Haan Kisi kay Vaado Ki,
Aaye Dil to Uss Vaadi,
Jis Jagha pay Kanto’n ka,
Ik Ghana sa Jungle Hai,
Uss Ghanay se Jungle Main,
Qab’r hai Shikasta Si,
Uss Main Daf’n Hain Yaadain,
Kuch Udaas Raato’n Ki…