Koi Tumse Puche Kon Hu Main Tum Keh Dena Koi Khas Nahi

Koi Tumse Pooche Kaun Hoon Main,


Tum Keh Dena Koi Khaas Nahi.


Ek Dost Hai Kaccha Pakka Sa,


Ek Jhoot Hai Aadha Sacha Sa.


Jazbaat Ko Dhuke Ek Purda Bas,


Ek Bahana Hai Acha Sa.

Jeevan Ka Ek Aisa Saathi Hai,


Jo Dur Ho K Bhi Pass Nahi.


Koi Tumse Pooche Kaun Hoon Main,


Tum Keh Dena Koi Khaas Nahi.


Hawa Ka Ek Suhana Jhonkha Hai,


Kabhi Nazuk Toh Kabhi Tufaano Sa.

Shakal Dekh Kar Jo Nazrein Jhuka Le,


Kabhi Apna Toh Kabhi Begaano Sa.


Zindgi Ka Ek Aisa Humsafar,

Jo Samandar Hai,
Par Dil Ko Pyaas Nahi.


Koi Tumse Pooche Kaun Hoon Main,


Tum Keh Dena Koi Khaas Nahi.

Ek Saathi Jo Unkahi Kuch Baatein Keh Jaata Hai,


Yaadon Me Jiska Ek Dhundhla Chehra Reh Jaata
Hai.


Yunh Toh Uske Na Hone Ka Kuch Ghum Nahi,


Par Kabhi-Kabhi Aankhon Se Ansu Ban Ke Beh
Jata Hai.

Yunh Rehta Toh Mere Tassavur Main Hai,

Par In Aankho Ko Uski Talaash Nahi.


Koi Tumse Pooche Kaun Hoon Main,


Tum Keh Dena Koi Khaas Nahin……..