Zamane Mein Bhi Dhoondo Ge To Hum Sa Ho Nahi Sakta

Zamane Mein Bhi Dhondo Gy To Hum Sa Ho Nahi Sakta,

Sada Usko Hi Chahte Hain
Jo Apna Ho Nahi Sakta,

Bohat Ujra Howa Dil Hai
Magar Apna Aqida Hai,

Jahan Mehken Teri Yaadain
Wo Sehra Ho Nahi Sakta,

Kisi Ki Yaad Ab Bhi Raat Ko Sony Nahi Deti,

Shab-E-Tanhai Se Keh Do Main Tanha Ho Nahi Sakta,

Kuch Us Ki Bhi Khataen Thi
Wabaal-E-Zindagi K Sath,

Sabhi Kuch Hi Muqadar Ka Likha To Ho Nahi Sakta,

Juda Ho Kar Bhi Dono Jee Rahy Hain Aik Muddat Se,

Kabhi Dono Hi Kehte Thay
K Aisa Ho Nahi Sakta.