Woh Larki Bhi Ek Ajeeb Paheli Thi

Woh Larki bhi Aik Ajeeb Paheli Thi

Pyase Hont thy Aankh Samundar Jesi thi

Sooraj Usko Daikh Ker Peela Perta Tha
Woh Sarma ki Dhoop mein Dhul Ker Nikli Thi

Usko Apny SaaYe Se Dar Lagta tha
Soch K Sehra mein Woh Tanha Heerni thi
Aaty Jaaty Mausam Usko Dasty Thy
Hansti Hansti Palkoon se Ro Perti thi

Aadhi Raat Ganwa deti Thi Chup Reh Ker


Aadhi Raat K Chaand se Baatein Kerti Thi

Door Se Ujray Mandir Jesa Ghar Uska
Woh ApnY Ghar mein Tanha Raha Karti Thi

Mom Se Nazuk Jism Seher Ko Dukhta Tha
Diye Jala Ker Shab bhar Aap Pighalti thi

Taiz Hawa Ko Rok Ker Apny Aanchal Per
SookhY Phool Ikhaty Kerti Phirti Thi

Sub per Zahir ker deti thi Bhaid Apna
Sub Se Ik Tasveer Chupaye Rakhti thi
Kal Shab Chakna Chor Hua tha Dil Uska
Ya Phir Pehli Baar Woh Khul Ker Royi Thi

Moshin

Kya Jaany Kion Dhoop se be'Parwa
h
Woh Apny Ghar Ki Dehleez Per Bethi Thi...???