Suno Jaana Judai Moat Hoti Hai

Suno Jaana
Judai Mout Hoti Hai
Kabhi Fursat Mile To Dekhna
Patton Ka Girna Tum
K Jub Ye Shajar Se Gir K
Zameen Per Aan Parrte Hain
To Kese Raunde Jaate Hain

Thithrati Raat K Khamosh Lamhon Main
Kisi Be-Bas Akeli Ba-Wafa Khamosh Larrki Ki
Kabhi Tum Siskiyan Sun'na
Kabhi Qitaar Se Bichrri Hoi Koonjon K Noohe Per Nigah Karna
Nigah Karna K Kese Aik Dooje Ki Judai Per
Tarrap Ker Bain Kerte Hain

Kabhi Rukhsat K Lamhon Main
Kisi Ki Aankh Se Larkharte Howe Aansoo Ko Dekho Gi
To Shayad Jaan Jao Gi
Judai Mout Hoti Hai

Abhi Tum Ne Mohabbat K
Baraste Bheegte Mousam Nahi Dekhe

Abhi Tum Titlion K Rang Muthhi Main Chupati Ho

Abi Tum Muskarati Ho

Suno Jaana Kabhi Jo Zindagi Ne Ajnabi Weeran Raahon Per
Tumhari Ye Hansi Chheeni
To Phir Aansoo Bahao Gi
Tum Itna Jaan Jao Gi
Judai Mout Hoti Hai
Judai Moat Hoti Hai