Sochti Thi Us Se Bicharr Kar Na Jee Sakon Gi

Sochti Thi
Us Se Bichar Ke na Ji Sakon gi
Marr Jaon Gi
Wo Awaz na Sun Paai To
Aur Kya Sun Paongi

Us Ka Saath na Mil Paya
To Kaisy Jee Paaon Ge ??

Wo Chehra na Daikh Saki Tu
Roshni Kaisy Paaongi ?

Sochti Thi Us Se Bichar Ke
Kaise Ji Paaon Gi

Khud Ko Kaisy Behlaaon gi

Lekin Dekho Us Se Door Howy MujhKo
Kitny Mosam Beet Gaye

Wo Chehra Door Hai Ab Mujh Se
Wo Alfaaz nahi milty Ab

Lekin Phir bhi Aankhon Ki Beenaai Salamat Ab bhi Hai

Lafzon Ka Zakheera Ab Bhi Hai

Ab Bhi Sanson Ka Wohi Tasalsul Waqfe Waqfe Se Jaari Hai

Ab Bhi Banti Sanwarti Hon

Ab Bhi Hansti Gaati Hon

Ab Bhi Umda Kapry Pehen Ke Sab Se Milny Jati Hon

Ab Bhi Aksar Tanhai Main
Milan K naghme Gaati Hon

Ab Bhi Sab Kuch Chal Hi Raha Hai
Ab Bhi Jeevan Guzar Raha Hai
Lekin Kya Hai Ek Larki
Jo Mery Andar Basti Thi
Teri Madad Se Maine Usko
Maar Diya Hai