Woh Thakaa Hua Meri Baahon Mein Zaraa So Gaya Tha To Kya Huwa

Vo Thakaa Hua Meri Baahon Mein Zaraa So Gaya
Thaa To Kya Hua,

Abhi Main Ne Dekha Hai Chaand Bhi Kisi Shaakh e Gul Pe Jhukaa Hua,

Jise Le Gai Hai Abhi Hawa Wo Varaq Thaa Dil Ki Kitaab Kaa,

Kahi Aansuon Se Mitaa Hua Kahi Aansuon Se Likhaa Hua,

Kai Meel Rait Ko Kaat Kar Koi Mauj Phool Khilaa Gai,

Koi Pairr Pyaas Se Mar Rahaa Hai Nadi Ke Paas
Kharaa Hua,

Mujhe Haadson Ne Sajaa Sajaa Ke Boht Haseen Banaa Diyaa,

Mera Dil Bhi Jaise Dulhan Ka Haath Ho Mehandiyon Se Rachaa Hua,

Wahi Khatt Ke Jis Pe Jagah Jagah Do Mehakte Honton Ke Chaand The,

Kisi Bhoole Bisre Se Taaq Par Tah e Gard Hoga Dabaa Hua,

Wahi Shahar Hai Wohi Raaste Wahi Ghar Hai Aur Wahi Laan Bhi,

Magar Us Dareeche Se Poochhnaa Woh Darakht Anaar Ka Kya Hua,

Mere Saath Jugnu Hai Hamsafar Magar Is Shahar Ki Bisaat Kya,

Ye Charaagh Koi Charaagh Hai
Na Jalaa Hua Na Bujha Hua...!