Usay Ye Kehna Mujhe Na Soche

Usay Ye Kehna

Mujhe Na Soche

Mai Dil Garifta,
Adhora Shair


Mai Uljhi Sochon,

Bikharti Nazron,

Bhatakti Rahon Ka Ik Musafir

Khayal Tirche,

Sawal Aarhe,

Qadam Mere Larkhara Chuke Hain


Sawal Aise

Azal Se Jin Per

Zameer-e-Adam Ne Kuch Na Socha


Jawab Aise K Gar Kabhi
Khud Ko Bhi
Bataon
To Kanp Jaon


Guzarte Lamhon Ki Gurd Chehre
Pe Teh Ba Teh Jamti Ja Rahi Hai

Naqoosh Mere Mita Rahi Hai

Mai Apna Khanjar
Khud Apni Shah Rug Per
Aazma Chuka Hoon


Mai Khud Bhi Khud Ko Bhula Chuka Hoon


Mai Apne Dam-e-Khayal Se


Agar Bacha To Tumhain Milon Ga......