Udaas Kyun Ho

Gulaab Ruto'on Mai Haseen Chehro'n


Hamay Batao Udaas Kyun Ho...??


Dilo Par Beeti Hui Kahani

Sab Sunao Udaas Kyun Ho...??


Jo Ranjish-E-Dil Pal Rahi Hain


Munafiqat Mai Jo Dhal Rahi Hai

Bhula Ke Shikway Mita Ke Doori


Galay Lagao Udaas Kyun Ho...??


Kitaab-E-Dil Ke Tamaam Safho'on Par

Hamnay Likkha Lafz-E-Mohabbat


Hamay Hamari Wafa Ke Agay
Saza Sunao Udaas Kyun Ho...??

Fareb Khana Bhi Mashghala Hai

Fareb Dena Bhi Mashghala Hai

To Dil Ke Lutnay Par Kaisa Matam


Khushi Manao Udaas Kyun Ho...??