Suno Jana Palat Ana K Koi Yaad Karta Hai

Suno Jana!
Palat Ana K Koi Yad Karta Hai

Tumhen Awaaz Deta Hai

Tumhe Khush Dekhne K Waste Apne Dil-e-Muztir Ko
Jo Na-Shad Karta Hai

Tumhari Ik Jhalak K Waste Galiyon Mein
Raston Mein
Subha Se Sham
Din Se Raat Karta Hai

Jinhen Tumse Aqeedat Hai
Teri Be-Los Chahat Hai

Tumhen Takne Ki Hasrat Hai Jinhen Tum Se Mohabbat Hai

Unhen Kuch Waqt Dete Hain
So Ager Mumkin Ho Kuch Aisa

To Unki Chah Ki Khatir
Suno Jaana!
Palat Aana K Koi Yaad Karta Hai...