Main Tere Lab Pe Hu Daireena Shikayat Ki Tarah

Mein Tere Lab Pe Hun Daireena Shikayat Ki Tarah

Yaad Rakha Hai Tu Ne Mujh Ko Adaawat Ki Tarah

Chaand Niklay To Mera Jism Mehak Uthta Hai

Rooh Mein Utri Howi Taaza Mohabbat Ki Tarah

Teri Khatir To Koi Jaan Bhi Le Sakta Hun

Mein Ne Chaaha Hai Tujhe Izzat Ki Tarah

Khul Rahi Hai Mere Daireena Masaail Ki Giraah

Mere Mahoul Mein Utra Hai
Wo Barkat Ki Tarah

Ab Tere Hijr Mein Kuch Lutf Nahi Hai Baaqi

Ab Tujhe Yaad Bhi Karte Hain To Aadat Ki Tarah

Tum Meri Pehli Mohabbat To Nahi Ho Laikin

Mein Ne Chaaha Hai Tumhain Pehli Mohabbat Ki
Tarah

Wo Jo Aati Hai To Phir Lout Ke Jaati Hee Nahi

Tum Lipat Jao Kubhi Aisi Museebat Ki Tarah

Mere Dil Mein Koi Maasoom Sa Bacha Hai
“Wasi”
Jo Tujhe Sochta Rehta Hai Shararat Ki Tarah