Kahi Aesa Na Ho Jana K Mera Aaks Chupke Se Teri Aankhon Se Mit Jaaye

Kaheen Aisa Na Ho Jana K
Mera Aaks Chupke Say Teri Aankhon Say Mit Jaaye

Teri Jaanib Palatne Ka Har Ik Rasta Kaheen Band Na Ho Jaaye

Meri Yaadon Ka Har Ik Panchi Tumhare Haat Say Nikle,
Falak Aabad Ho Jaaye
Ya Phir Barbaad Ho Jaaye

Mera Dil Ab K Seene Main Dharakne Say Mukar Jaaye
Ana ki Sabz Tehni Ko
Main Khud Hi Tor Deta Hoon Tumhare Waste Jana
Zid Apni Chhor Deta Hoon
Yahi ik khawaab Bunna Chhahte The Naa!
Faqat Meri Zaban Say Mera Iqraar Sunna Chhahte The Naa!

Lo kehta Hoon Meri jana

"Mujhe Tum Say Mohabbat Hai"

Suno jana mujhe yeh iteraaf ab barmala hai k
Meri rug rug main khoon ban k too behta hai
Meri aankhon main ik khawaab-e- haseen ban k too rehta hai
K mere jism ka har ik hissa or seene ki har ik dharkan
Sabhi sansain yeh kehti hain
Mujhe tum say mohabbat hai
Yehi sach hai
"Mujhe Tum Say Mohabbat Hai "