Kabhi Kabhi Dil Chahta Hy Tumhari Shamon Ka Haal Poochon

kabhi kabhi dil ye chahta hai


tumhari shamon ka haal poochon


sawal poochon
ke fikr farda mein kesi guzri


yonhi kabhi mera naam aya tumhare honton pe


ik pal ko meri mohabbat ki yaad mehki
kabhi tumhare
bhi raston mein


kabhi kisi din tumhari subh ke dar pe jagi sada
dastak


kabhi ibadat ki kaifiyat mein
tumhen mera bhi
guman guzra

tumhare sahen-e-dua se mera bhi dhiyan guzra


kabhi tumhare badan pe bhi shab aazab ban kar
tehri


kabhi kabhi dil ye chahata hai
sawal poochon


magar mein chup hon


hamare darmiyan ye jo deewar-e-ajnabiyat hai

ye ganeemat
isi mein toqeer harf-o-lab hai

yahen pe tark-o-talab ki had hai