Hum Jo Tooty To Is Tarah Tooty

Hum Jo Tootay To Is Tarah Tootay!
Jaise Haathon Say Gir Kay Pathar Per
Koi Shafaaf Aaina Tootay,

Jaise Palkon Say Toot'ta Aansu

Jaise Seenay Mein Ek Kamaan Tootay,

Jaise Umeed Ki Koi Tehni
Barg-e-Mosam Mein Na Gihaan Tootay,

Jaise Aankhon Mein Khuwab Ki Dorri
Waqt-e-Takmeel Say Ulajh Jaaey,

Jaisay Pairon Talay Zameen Niklay

Jaise Sar Pay Ye Aasmaan Tootay,

Jaise Ek Shaakh Pay Bharosa Kia
Us Pay Jitnay Thay Aashiyaan Tootay,

Jaise Wehshat Say Hosh Aa Jaaey

Jaise Taa'dair Mein Dehan Tootay,

Ab Jo Raiza Huway To Sochtay Hain

Kis Nay Dekha Tha Tootna Apna,
Hum Jo Tootay To Raaigan Tootay.