Dunya Tere Mizaaj Ka Banda Nahi Hu Main

Ojhal Sahi Nigah Se Dooba Nahi Hon Main..

Ae Raat Khabr'dar K Haara Nahi Hon Main..

Darpesh Subah-0-Sham Yehi Kash'makash Hai Ab..

Us Ka Ban'on Main Kaise
K Apna Nahi Hon Main..

Mujh Ko Farishta Hone Ka Daawa Nahi Magar..

Jitna Bura Samjhte Ho Utna Nahi Hon Main..

Iss Tarah Pher Pher K Batein Na KiJiye..

Lehje Ka Rukh Samjhta Hun Bacha Nahi Hon Main..

Mumkin Nahi Hai Mujh Se Ye Tarz-e-Munaafqat..

Duniya Tere Mizaaj Ka Banda Nahi Hon Main..