Ager Kabhi Meri Yaad Aaye

Agar Kabhi Meri Yaad Aaye

To Chaand Raaton Ki

Dilgeer Roshni Main

Kisi Sitary Ko Dekh Laina


Agar Woh Nakhal Falak Say Urh Kar
Tumhare
Kadmoon Aa Gire To Yeh Jaan Laina
Woh Istiaara Tha
Mere Dil Kaa

Agar Naa Aaye?

Magar Yeh Mumkin Hi Kis Tarha Hai


Kay Tum Kisi Par Nigah Dalo
To Us Ki Deewaar e Jaan Naa Tootay

Woh Apni Hasti Naa Bhool Jaye

Agar kabhi Meri Yaad Aaye To
Garaiz Karti Hui Hawaon Ki Lehroon Pay Haath
Rakhna

Main Khushbuon Main Tumhain Miloon Gaa

Mujhay Gulaab Ki Patioon Main Talaash Karna

Main Aous K Qatra Kay Aainay Main Tumhain Miloon Gaa


Agar Sitaaroon Main,
Aous Aur Khushbuon Main
Naa Pao Mujh Ko


To Apne Kadmoon Main Dekh Laina

Main Gird Hoti Musafiton Main Tumhain Miloon
Gaa

Kahi Pay Roshan Chiraagh Dekh Lo
To Jaan Laina K
Har Patangay K Saath Main Bhi Sulag Chuka Hoon


Tum Apnay Haaton Say In Patangon Ki Khaak
Daryan Main Daal Daina
Main Khaak Ban Kar
Sumandar Main Safar Karoon Gaa
Kisi Naa Dekhy Huay Jazeeray Par Ruk Ke
Tumhain Sadain Doon Gaa
Sumandaroon Ke
Safar Pay Niklo

To Is Jazeeray Par Bhi Kabhi Utarna

Agar Kabhi Meri Yaad Aaye

Agar Kabhi Meri Yaad Aaye